الشروط
آخر تحديث: 1 أكتوبر 2026
الخدمة
فولو أب تطبيق بيفكّرك بمواعيد مكالمات ومعاينات عملاءك. التنبيهات بتعتمد على إعدادات موبايلك وبطاريته، فاعمل «فحص التنبيهات» من التطبيق مرة على الأقل عشان توصلك في ميعادها.
التجربة والاشتراك
- أول 14 يوم مجانًا من تأكيد رقمك، و44 يوم لو كتبت كود دعوة من زميل.
- الاشتراك 199 جنيه في السنة، بتحويل من أي محفظة أو إنستاباي، ويتفعّل بعد مراجعة صورة التحويل.
- السنة المدفوعة بتبدأ بعد آخر يوم في تجربتك أو اشتراكك الحالي.
- لما الاشتراك يخلص، التنبيهات بتقف وبياناتك بتفضل على موبايلك.
- الحساب والاشتراك مربوطين برقم موبايلك اللي اتأكد، ولشخص واحد.
الدعوات
لما زميل ينزّل التطبيق ويكتب كودك ويضيف 3 عملاء، بتاخد 3 شهور مجانًا، لحد 12 شهر في السنة. أي دعوة وهمية أو متكررة لنفس الشخص مش بتتحسب.
بياناتك
بيانات عملاءك بتاعتك وعلى موبايلك. خد نسخة احتياطية من التطبيق كل فترة، لأن مسح التطبيق أو ضياع الموبايل بيمسحها. التفاصيل في سياسة الخصوصية.
الاستخدام
التطبيق لشغلك مع عملاءك. ما تستخدموش لإزعاج حد أو لإرسال رسايل محدش طلبها.
المسؤولية
بنعمل كل اللي نقدر عليه عشان التنبيهات تشتغل في ميعادها، بس مش بنضمن إن مفيش أي عطل في موبايلك أو في الخدمة، ومش مسؤولين عن صفقة اتأثرت بتنبيه ما وصلش.
تواصل معانا
أي مشكلة في الدفع أو التفعيل أو أي سؤال: support@estateoseg.com